KUPA E GOSTIVARIT NË MËRGIM Të dashur mërgimtarë gostivaras, me kënaqësi Ju informojmë se, Ne grupi nismëtar për themelimin e Shoqatës së Mërgimtarëve Shqiptarë nga Gostivari, tashmë zyrtarisht kemi vendosur që me datë 27.01.2024, ta organizojmë turneun e parë në futboll të vogël. Turneu do të zhvillohet vetëm me shoqatat e vendbanimeve të Gostivarit që veprojnë në Mërgim. Duke e ditur se pjesa më e madhe e mërgatës gostivarase dhe e shoqatave jetojnë dhe funksionojnë në Zvicrën lindore, vendosëm që turneun ta mbajmë në palestrën sportive - Sportanlagen Güttingersreuti, në Weinfelden të kantonit të Thurgau-t, në Zvicër. Informata më të hollësishme, do të pasojnë ditëve në vazhdim. I ftojmë për bashkëveprim dhe përkrahje të gjithë mërgimtarët gostivaras. Me respekt, Grupi nismëtar për themelimin e Shoqatës së Mërgimtarëve Shqiptarë nga Gostivari në Zvicër