Falë IDESË dhe QËLLIMIT për UNIFKIM dhe Bashkëpunim të nisur nga Unioni i Shoqatave Shqiptare të Gostivarit në Mërgim me shoqatat gostivarase në Mërgim dhe vet mërgatën gostivarase, me 23 Nëntor 2024, në Winterthur Töss u realizua manifestimi i parë familjar Gostivari në Mërgim Feston diten e alfabetit dhe diten e flamurit.

Pjesëmarrja masive e mbi 400 mërgimtarëve gostivaras, ishte Nder dhe Përgjigje e fuqishme për Unionin e Shoqatave Shqiptare të Gostivarit më Mërgim, por edhe për aktivistët apo vullnetarët e shoqatave, Shoqata Strajani Bashkuar, Shoqata Humanitare Rinia Reçanit, Shoqata Humanitare Fshati Patalisht-ch, Shoqata Tërnova, Shoqata Humanitare Forina - Zvicer, Shoqata Rinia Turçan i Madh, Shoqata humanitare Diaspora „Simnicë“, Shoqata, Bamirëse Vepro Ndihmo, Shoqata E Diasporës Sërmnova, Shoqata Baftir Jakupi Llapushnik të cilët ndihmuan dhe kontribuuan për bashkërealizimin e këtij manifestimi Historik.

Programi u madhështua nga artistët gostivaras, Hava Bekteshi e cila enkas erdhi nga Hamburgu i Gjermanisë, Ardit Bexheti nga Gostivari jonë i bukur, por edhe nga këngëtarët gostivaras në Zvicër, Kujtim Akiku, Teki Zulfija, Eliza Zeqiri të shoqëruar nga Sint, Gjeni Morina, për befasi edhe nga violinisiti gostivaras në Zvicër, Xhevat Mislimi, kurse për zërimin u kujdes Ziber Dibra.

Valltarët e Ansmablit Trojet nga Winterthur-i i bashkuan trojet me Gostivarin, duke e pasuruar programin e duke i dhënë vlerë manifestimit.

"Ky manifestim u bë me vullnetin dhe dëshirën e vet mërgatës gostivarase, nga vet mërgimtarët e Gostivarit, me mundin dhe sakrificën e vet mërgimtarëve, për mërgimtarët e Gostivarit", tha në fjalimin e tij kryetari i Unionit të Shoqatave Shqiptare të Gostivarit në Mërgim, Kasam Selimi.

Përveç përkushtimit të kryesisë, ndihmësve nga shoqatat, artistëve, një kontribut të madh kanë dhënë edhe dhjetëra Sponsorë të manifestimit, të cilët u bënë ndihmë e madhe e realizimit të manifestimit Gostivari në Mërgim Feston 2024, të cilët dëshirojmë t'i falënderojmë përzemërsisht.

I menduar dhe realizuar nga vet mërgimtarët, Gostivari në Mërgim Feston po bëhet i veçant edhe për faktin se në këtë Manifestim, të gjithë ishin të barabartë.

Si Kryesi e Unionit, u dhuruam Mirënjohje aristëve dhe shoqatave anëtare dhe përkrahëse të manifestimit.

Pas turneut në Futboll, Kupa e Gostivarit në Mërgim që u mbajt me 27.01.2024 në Weinfelden/TG, manifesimi Gostivari në Mërgim Feston ishte takimi i dytë më i madh mërgimtarëve gostivaras në vitin 2024 dhe në përgjithësi.

Winterthur, me 23 Nëntor 2024

Kryesia e Unionit të Shoqatave Shqiptare të Gostivarit në Mërgim