INFORMATË MË RËNDËSI: nga data 01.02.2026 në Maqedoni të Veriut fillon zbatimi i projektit “Qyteti i sigurt”

 INFORMATË MË RËNDËSI

nga data 01.02.2026 në Maqedoni të Veriut fillon zbatimi i projektit “Qyteti i sigurt”

Të nderuar bashkatdhetarë, bashkëqytetarë të komunës së Gostivarit që përkohësisht jetoni dhe veproni jashtë vendit, 

Siç jeni në dijeni dhe të informuar, nga data 01.02.2026, në Maqedoni të Veriut fillon të zbatohet projekti “Qyteti i sigurt – Safe City”, ku në fazën e parë, përfshihen qytetet e Shkupit, Tetovës dhe Kumanovës dhe autostradat, janë vendosur kamera sigurie që detektojnë shkeljet në trafik. 

Unioni i Shoqatave Shqiptare të Gostivarit në Mërgim vlerëson se është më rëndësi ta dini se,  për të gjithë veturat me targa të huaja që futen në pikat kufitare të Maqedonisë së Veriut, do të bëhet regjistrimi i tabelave të secilës veturë dhe gjatë qëndrimit në RMV, në rast se keni bërë ndonjë kundërvajtje apo shkelje të rregullave të trafikut, gjatë daljes nga RMV, në pikën kufitare, do të ndaloheni dhe në bazë të ligjeve, do ta paguani gjobën/dënimin.

Ju bëjmë thirrje që gjatë qëndrimit në Maqedoni të Veriut, të vozisni me kujdes dhe t’i respektoni rregullat e sinjalizimit rrugor.

Unioni i Shoqatave Shqiptare të Gostivarit në Mërgim 

me 31 Janar 2026