𝐀𝐝𝐫𝐞𝐬𝐨𝐡𝐞𝐧 𝐤ë𝐫𝐤𝐞𝐬𝐚𝐭 𝐞 𝐔𝐧𝐢𝐨𝐧𝐢𝐭 𝐭ë 𝐒𝐡𝐨𝐪𝐚𝐭𝐚𝐯𝐞 𝐒𝐡𝐪𝐢𝐩𝐭𝐚𝐫𝐞 𝐭ë 𝐆𝐨𝐬𝐭𝐢𝐯𝐚𝐫𝐢𝐭 𝐧ë 𝐌ë𝐫𝐠𝐢𝐦 𝐧ë 𝐭𝐚𝐤𝐢𝐦𝐢𝐧 𝐦𝐞 𝐳𝐯.𝐝𝐫𝐞𝐣𝐭𝐨𝐫𝐢𝐧 𝐞 𝐀𝐠𝐣𝐞𝐧𝐜𝐢𝐬ë 𝐬ë 𝐌ë𝐫𝐠𝐚𝐭ë𝐬 𝐬ë 𝐌𝐚𝐪𝐞𝐝𝐨𝐧𝐢𝐬ë 𝐬ë 𝐕𝐞𝐫𝐢𝐮𝐭

Kryesia e Unionit të Shoqatave Shqiptare të Gostivarit në Mërgim i mirëpriti në takim në Gostivar, Zëvendësdrejtorin e Agjencisë së Mërgatës së Republikës së Maqedonisë së Veriut, Fatlum Jusufin dhe bashkëpunëtorin nga ky institucion, Nusret Kovaçin.

Ky takim i iniciuar nga Unioni i Shoqatave Shqiptare të Gostivarit në Mërgim kishte për qëllim vendosjen e bashkëpunimit me institucionin më ure lidhës në Maqedoninë Veriut që drejtpërdrejtë merret me mërgatën, siç është Agjencia e Mërgatës.

Për punën e Unionit të Shoqatave Shqiptare të Gostivarit në Mërgim, foli kryetari Kasam Selimi i cili tha se kjo formë e organizimit të Unionit, është unifikim i veçantë dhe se aktiviteti i Unionit është shumë funksional që ekskluzivisht merret me dhe për nevojat e  mërgatës.

U dorëzuan edhe kërkesat konkrete që i ka Unioni i Shoqatave Shqiptare të Gostivarit në Mërgim, e para për hapjen e Konsullatës së RMV-së në Cyrih, si kërkesë urgjente duke e ditur se një numër i madh i mërgatës jeton në kantonet St.Gallen, Thurgau, Cyrih, Schaffhausen, malltretohen dhe humbin shumë kohë për të ardhë në ambasadën në Bern.

U ri konfirmua edhe kërkesa shumë e rëndësishme dhe domethënëse që tu mundësohet mërgatës të aplikojnë dhe të pajisen me Letërnjoftime në përfaqësitë Diplomatike.

Këto kërkesa veçse janë dërguar direkt në institucionet përkatëse në Qeveri dhe MPB, për të cilat drejtori Jusufi u njoftua dhe u zotua se do të informohet në hollësi dhe do të angazhohet për realizmin e tyre.

Secila Kërkesë e adresuar e Unionit, nënkupton më tepër vëmendje të shtetit ndaj mërgatës, me shumë lehtësime administrative, digjitalizim të shërbimeve dhe shërbime më afër bashkatdhetarëve.

Rëndësi të veçantë iu kushtua edhe organizimit të mësimit gjuhës shqipe nga fëmijët e mërgatës, nëpërmjet ndjekjes së mësimit Online që e organizon Agjencia e Mërgatës si dhe pajisja me materiale edukativo-arsimore në gjuhën shqipe.

Gjithashtu, u kërkua respektim i përfaqësimit dhe angazhimit të kuadrit shqiptarë në përfaqësitë diplomatike të RMV-së si dhe përdorimi i plotë të gjuhës shqipe, me qëllim që bashkatdhetarët tanë të marrin shërbime në gjuhën amtare.

Të dyja palët u dakorduan në thellim dhe bashkëpunim të vazhdueshëm.

Në shenjë falënderimi për vizitën në Gostivar, në emër të Unionit, drejtorit Jusufi dhe bashkëpunëtorit të tij, Kovaçi iu ndanë dhurata me simbolin e qytetit, Kullën e Sahatit.

Ndërkaq, si Union i Shoqatave Shqiptare të Gostivarit në shenjë falënderimi dhe vlerësimi për kontributin e vazhdueshëm në ruajtjen e lidhjes me vendlindjen, përkushtimin ndaj atdheut dhe promovimin e vlerave të mërgatës shqiptare, e pranuam Mirënjohjen nga zëvendësdrejtori i Agjencisë së Mërgatës, Fatlum Jusufi si dhe disa materiale shkollore, libra, abetare, lektura dhe materiale tjera.

Në takimin me zëvendësdrejtorin e Agjencisë së Mërgatës, Unioni i Shoqatave Shqiptare të Gostivarit në Mërgim, u përfaqësua nga kryetari Kasam Selimi, Sekretari, Hekurim Islami, Arkëtari, Ilir Tairi, anëtari i Kuvendit, Kujtim Mersini dhe Arben Memedi.

Unioni i Shoqatave Shqiptare të Gostivarit në Mërgim

Gostivar, me 31 Korrik 2026