(Video) Kryetari Unionit, Kasam Selimi: Shoqatat gostivarase me shumë organizime madhështore në Gostivar e shënuan verën e 2026-ës

Edhe vera e vitit 2026 ashtu si vitet e kaluara ishte e begatë dhe me shumë aktivitete në Gostivar dhe rrethinë të organizuara nga Unioni i Shoqatave Shqiptare të Gostivarit në Mërgim dhe nga shoqatat gostivarase.

Në një prononcim për TV Globi, kryetari i Unionit, Kasam Selimi u shpreh Mirënjohës për gjithë shoqatat që çdo vit bëjnë organizime të ndryshme madhështore në Gostivar.

“Këto manifestim janë shumë të rëndësishme sepse janë vende ku njihemi, e forcojmë lidhjen tonë, marrim ide, frymëzohemi që edhe vitet tjera, të vijmë dhe të bëjmë diçka edhe më madhështore”, u shpreh kryetari, Kasam Selimi.

Unioni i Shoqatave Shqiptare të Gostivarit në Mërgim organizoi edhe aktivitete të veta siç ishte aksioni për shpërndarjen e 6-të mijë litra Ujë për banorët e Gostivarit si dhe takimi i iniciuar me zëvendësdrejtorin e Agjencisë së Mërgatë së Maqedonisë së Veriut.

Në Vendlindje, përveç organizimeve të shumta, siç janë manifestimet dhe takimet, shoqatat e Gostivarit gjithashtu bëjnë edhe shumë investime në infrastrukturë, si ndërtim të rrugëve, ujësjellës, mirëmbajtje të objekteve shkollore, objekteve tjera shoqërore por edhe kujdesi ndaj skamnorëve dhe personave në nevojë.

Unioni i Shoqatave Shqiptare të Gostivarit në Mërgim

Gostivar, Korrik/Gusht 2026

https://www.facebook.com/reel/1602746104811119