Shoqata “Rinia e Reçanit” shpërndanë fletushka me dua dhe sure nga Kurani Famëlart, ujë dhe pije freskuese

Sot, në këtë ditë të bekuar të Xhumasë, Shoqata humanitare “Rinia e Reçanit” realizuan një aktivitet me vlerë të madhe shpirtërore dhe njerëzore.Në dy lokacione të veçanta — pranë Xhamisë së fshatit Reçan dhe Xhamisë së Kadrit në Gostivar — shpërndamë fletushka me dua dhe sure nga Kurani Famëlart, për të ushqyer shpirtat me fjalën e Zotit.

Po ashtu, duke marrë parasysh ditët e vështira që po kalon qyteti ynë me mungesën e ujit, shpërndamë ujë dhe pije freskuese për qytetarët tanë.Në këto ditë sprovuese, kur uji është më i nevojshëm se kurrë, kujtuam porosinë e Pejgamberit a.s., se një nga sadakatë më të mira është t’i japësh ujë dikujt që ka etje.