𝐏ë𝐫 𝐡𝐞𝐫ë 𝐭ë 𝐩𝐚𝐫ë 𝐧ë 𝐒𝐭𝐫𝐚𝐣𝐚𝐧 𝐮 𝐦𝐛𝐚𝐣𝐭 𝐦𝐚𝐧𝐢𝐟𝐞𝐬𝐭𝐢𝐦𝐢 “𝐒𝐭𝐫𝐚𝐣𝐚𝐧𝐢 𝐢 𝐁𝐚𝐬𝐡𝐤𝐮𝐚𝐫”

Qëllimi i këtij manifestimi është ringjallja e Strajanit, bashkimi i strajansve rreth vlerave të përbashkëta dhe rikthimi i jetës në fshatin e tyre, ndërkaq ideja për këtë manifestim ka lindur nga malli për vendlindjen.

Manifestimin e parë të Shoqatës Strajani i Bashkuar, me praninë e tyre e nderuan edhe pjesëmarrja e përfaqësuesve nga Unioni i Shoqatave Shqiptare të Gostivarit në Mërgim, e kryetarit Kasam Selimit, sekretarit, Hekurim Islamit (njëherësh edhe përfaqësues i kësaj shoqate në Union) dhe Naxhi Mustafit nga Kuvendi i Unionit.

Në emër të Unionit të Shoqatave Shqiptare të Gostivarit në Mërgim, fjalë rasti mbajti kryetari, Kasam Selimi.

“Jam këtu tu uroj dhe të ju përgëzoj në emër të Unionit të Shoqatave Shqiptare të Gostivarit në Mërgim, për këtë organizim madhështor. Gjithashtu, jam këtu të ju them se Shoqata Strajani i Bashkuar është një nga shoqatat aktive, përkrahëse dhe ndihmuese e Unionit. Mesazhi i fundit do të kishte qenë, gjithë këto organizime/manifestime që i bëjmë janë shumë të mira, shumë domëthënëse, por dy gjëra do kisha dashur që tu jepni rëndësi, sidomos këtu e kam fjalën për mërgatën. Regjistroni fëmijët e posalindur, e para dhe e dyta, ju lutem, pajiseni fëmijët tuaj me Letërnjoftime, sepse njëra është se hapim themele dhe tjetra është se i forcojmë themelet tona me vendlindjen”, tha në fjalën e tij, kryetari i Unionit të Shoqatave Shqiptare të Gostivarit në Mërgim, Kasam Selimi.

Manifestimi u pasura edhe me programin artistik të përgatitur dhe realizuar nga aristët me prejardhje nga Strajani, por edhe artistëve tjera nga malësia e Gostivarit, si dhe u shërbye ushqim për gjithë të pranishmit.

Unioni i Shoqatave Shqiptare të Gostivarit në Mërgim

Strajan, me 30 Korrik 2026